تبلیغات
آوای ارس کنار - گوزل تورکی شعرلر
 
آوای ارس کنار
آرازکناردان دونیایا آچیلان بیر پنجره
درباره وبلاگ


این وبلاگ توسط جمعی از کاربران کامپیوتر ساکن درشهرک ارس و منطقه ی ارسکنار با مدیریت فیروزاحمدی راه اندازی شده و هدف آن انتشارمهمترین خبرهای منطقه ، جاهای دیدنی ارسکنار ، ادبیات آذر بایجان و آداب و رسوم مردم این منطقه است . امید است که اهل قلم و روشنفکران منطقه ما را در این راه یاری نمایند. با تشکر - مدیریت وبلاگ خبری شهرک ارس
آدرس اینترنتی مدیریت وبلاگ :
firouz.ahmadi@yahoo.com

مدیر وبلاگ : فیروز احمدی
نویسندگان
چهارشنبه 29 خرداد 1392 :: نویسنده : فیروز احمدی

 

بار الها

بار الها!بو گئجه دردیمه درمان سن سن

بو کونول صاحیبیم،کونلومه مهمان سن سن

بو گئجه عهد ائلیرم صیدقیله درگاهیندا

داهی دونیانی بوراخدیم منه جانان سن سن

عاشیقم،درد فراقین منی بیمار ائتمیش

من بیماره طبیب اول یارادان جان سن سن

بیر حیکایتدی گدا ایله شهنشه دردی

من گدایم قاپییان، یئر گویه سولطان سن سن

من دیوانه نی سن عشقینه مجنون ائتدین

گرچی من مجنون اولام لیلی دوران سن سن

او گوزل چهره نی تصویره چکم،گر بیله سن

خوش باخیشلی،قارا گوز،زولف پریشان سن سن

منی صیاد ائلدی عطر ووجودین بیردن

سانکی داغلاردا گزن او،دلی جئیران سن سن

یوسیفین دردی زولیخا گوزونون نورون آلیب

بیل! زولیخا گوزونه،یوسف کنعان سن سن

من دیوانه نی زنجیره سالیب داد ائله سن

یئنه ده بیرجه یاریم آند اولا قورآن سن سن

ساقیا! باده ی ناب، سرخوشونا عیب ائتمه

منه عالمده یئنه دین ایله ایمان سن سن


 

********************

یاغیش

دونن آخشام چاغی سن‌سیز منی آغلاتدی یاغیش

یادیما سالدی سنی مطلبینه چاتدی یاغیش

كوچه‌ لر اولدو گؤزومده یئنه بیر آرپا چایی

منی سن‌سیز نئجه نیسگیل سئلینه آتدی یاغیش

اودو سؤندورمه گه سو قایداسی‌دیر آمما دونن

كؤزرن كؤنلومو یاغدیقجا آلوولاتدی یاغیش

دامجی دامجی سنه لای لای دئدی قوینومدا منیم

نه دئیم بلكه سنی كورپه یه اوخشاتدی یاغیش

او قدر مستیدیم هئچ بیلمدیم آخیر نه زامان

سینم اوسته ساریلان تئل‌لری ایسلاتدی یاغیش

سورا بیلدیم آپاریب قورد گئچینین شنگولوسون

سنی مندن آلیب آنجاق منی آلداتدی یاغیش...

***************

 

سنی اونودا بیلمیرم

من سنی اونودا بیلمیرم، آخی

اونوتسام نه لری اونودام گرك

گؤیلره باخمیشیق آیلی گئجه ده

اونوتسام گؤیلری اونودام گرك!

دنیزی اونودوم، یا دالغالاری

خاطیرن یادیمدان چیخایدی باری

پاییزدا خزانی، قیشداسا قاری

باهاردا گوللری اونودام گرك!

دئ نئجه اونودوم من سنی نئجه؟

سئوگی دورنا دئییل پاییزدا كؤچه

یوخوما گلیرسن منیم هر گئجه

آیلاری، ایللری اونودام گرك!

سنین خیالیندیر هسرتله باخان

آدیندیر هر ساعات قارشیما چیخان

قاریشیب شكلینه گؤزومدن آخان

یاغیشی، سئللری اونودام گرك!

سینمده پشیمان اورگیم قالدی

اوچدون اللریمده لعلگیم قالدی

نه لری ایتیریب، باخ نییم قالدی

نه لری، نه لری اونودام گرك!


نصرت كسمنلی

************************





نوع مطلب :
برچسب ها :
لینک های مرتبط :
پنجشنبه 30 خرداد 1392 01:48 ب.ظ
باسلام ،داداش فیروز ، وب خوبی دارید و مطالب عالی ، از اینکه در دنیای مجازی سعی در ارائه مطالب ارزنده و شناساندن روستاهای بی نظیر با مردمانی شریف و فداکار بوده و مناظر و چشم اندازهای زیبای ارسکنار و شهرک را به تصویر می کشید واقعا ممنون و دست مریزاد میگیم . با تشکر
 
لبخندناراحتچشمک
نیشخندبغلسوال
قلبخجالتزبان
ماچتعجبعصبانی
عینکشیطانگریه
خندهقهقههخداحافظ
سبزقهرهورا
دستگلتفکر
نظرات پس از تایید نشان داده خواهند شد.


آمار وبلاگ
  • کل بازدید :
  • بازدید امروز :
  • بازدید دیروز :
  • بازدید این ماه :
  • بازدید ماه قبل :
  • تعداد نویسندگان :
  • تعداد کل پست ها :
  • آخرین بازدید :
  • آخرین بروز رسانی :